Gopferdammi do fehlt no Salz i minere Suppe
Nur dr Ätti het gfluecht am Mittagstisch
Und er hett jeden Tag im Oxä sis Bier mit Wasser gmischt
Mit mir i de trüebschte Gwässer gfischt

Er isch nit eifach nur en Coiffeur gsi
Es bitzli Showman und James Dean
Er het de Fraue die schönschtä Duurwälle gmacht
Und us mir was i jetzt bi
Und us mir was i jetzt bi

I bi nur en Bürgin
Und hebe d Fahne in Wind
All die Generationä hend us mir gmacht was i bin
I bin nur en Bürgin
Nit viel meh als das
Und i träg’s mit mir ume
Vo dr Wiegi bis is Grab

Mini halb Familie luegt vom Himmel zue
Ich glaube die si stolz uf ihre Gelti Bueb
Was würd i alles geh, dass ihr min Sohn chönt gseh
Er isch ein vo euch, us eusem Fleisch und Bluet
Er isch ein vo eus, us eusem Fleisch und Bluet

I bi nur en Bürgin
Und hebe d Fahne in Wind
All die Generationä hend us mir gmacht was i bin
I bin nur en Bürgin
Nit viel meh als das
Und i träg’s mit mir ume
Vo dr Wiegi bis is Grab

Ich träg dr Name wie ne Narbä uf minere Huut
Mängisch drückt er uf Bruscht macht mi schier kaputt
Es wird brüellt es wird gschroue es wir gliebt es wird glacht
Dass isch das wo dr Bürgin us mir macht

Ich ghöre no min Vater, es isch als wär s gester gsi
Sohn du muesch kei Angscht ha
Die Wält wartet nur uf di
Und alles isch möglich aber nüt isch z viel
Vergiss nit wo dini Wurzlä sind